گھر کے کس کام میں کتنی کیلوریز ضائع ہوتی ہیں؟

وزن میں کمی کے خواہشمند افراد جنہیں ورزش کرنا پسند  نہیں وہ گھر کے کاموں کے ذریعے بھی کیلوریز جلا کر وزن میں کمی لا سکتے ہیں۔

لاک ڈاؤن کے دوران اگر آپ کو ایسا محسوس ہو رہا ہے کہ آپ کے وزن میں اضافہ ہو گیا ہے تو اس اضافی وزن سے نجات پانے کے لیے اپنے گھر کے کام خود کرنا شروع کر دیں، گھر کے مختلف کام جیسے کہ فرنیچر کی جھاڑ پونچھ، جھاڑو پوچھا لگانا اور کپڑے دھونے سے آپ کم وقت میں زیادہ کیلوریز جلا سکتے ہیں اور یہ آپکی مجموعی صحت سمیت لاک ڈاؤن کے دوران ذہنی دباؤ سے بچنے کے لیے بھی مفید ہوگا۔

گھر یلو کام جو آ پ کا وزن کم کرنے کے ساتھ فزیکل ایکٹیویٹی کے لیے بھی مثبت ہیں

کھانا پکانا

اگر آپ کھانا پکا رہی ہیں اور آپ کو کچن میں کھانا پکاتے ہوئے 1 سے ڈیڑھ گھنٹے کا وقت لگتا ہے تو اس دوران آپ نے 92 کیلوریز جلائیں، دن میں اگر تینوں وقت کا کھانا آپ پکا رہی ہیں تو بغیر جم جائے آپ اپنے گھر میں ہی وزن کم کر سکتی ہیں۔

ویکیوم کلینر سے صفائی

اگر آپ ویکیوم کلینر سے گھر کی صفائی کر رہی ہیں تو 30 منٹ میں 123 کیلوریز جلائی جا سکتی ہیں ۔

کپڑے دھونا

30 منٹ کپڑے دھونے کے دوران 133 کیلوریز ضائع ہوتی ہیں اور اگر آپ کپڑے ہاتھوں سے دھو رہیں ہیں تو کیلوریز زیادہ ضائع ہوں گی۔

باغبانی کرنا

اگر آپ گارڈننگ کا شوق رکھتے ہیں اور اپنے گھر میں موجود پودوں کی صفائی ستھرائی اور ان کو پانی ڈالنے کا کام خود کریں گے تو آدھے گھنٹے میں آپ کی 167 کیلوریز ضائع ہوں گی اور ذہنی صحت پر بھی مثبت اثر پڑے گا۔

گاڑی دھونا

اگر آپ روزانہ اپنی کار خود دھو رہے ہیں اور اس میں آپ کو 30 سے 40 منٹس لگتے ہیں تو آپ روزانہ 167 کیلوریز جلا رہے ہیں۔

گھر میں بچوں کے ساتھ کھیلنا

لاک ڈاؤن کے دوران گھر میں رہیں اور اپنی اور اپنے بچوں کی حفاظت کریں، یہ وقت اپنے خاندان کے ساتھ گزاریں اور ان کے ساتھ گھر کے ہی کسی حصے میں بیڈمنٹن یا کوئی ایسا کھیل کھیلیں جس سے آ پ کو تھکاوٹ محسوس ہو، اس طرح 1 گھنٹے کے دوران آپ 149 سے 186 تک کیلوریز جلانے میں بھی کامیاب ہو جائیں گے۔

جھاڑو یا پوچھا لگائیں

جھاڑو اور پوچھا لگانے میں کافی محنت اور طاقت لگتی ہے، اس عمل میں سارا جسم متحرک ہوتا ہے ، 1 گھنٹہ پوچھا یا جھاڑو لگانے سے آپ سب سے زیادہ 240 کیلوریز برن کرنے میں کامیاب ہو جاتے ہیں۔

Source